開學在即

岑公0畀0左佢下學期砌緊gei時間表我睇,又30credit,
不過好似始終0係上個sem個時間表逼D,一日上八粒鐘......
仲可以dean list.....不愧0係全職學生

家姐出0左成績,史前咁高.....3.67.....
佢0係一個yr4讀21分又兼職又寫論文gei.....超人?
今朝(19/1)發夢自己得2.85.....嚇死.....快D出成績la.....
點解開0左學先出呢,咁我開學前唔會知驚ga wor.....

補習,個細路本中史書乜都無,其他書都唔好得去邊,最差都0係四科文科
我記得D野仲多過佢本書gei野.....可惜唔記得0左黃帝,帝堯,大禹叫乜名
顓頊,帝嚳有冇名都唔記得埋添.....0係時候要睇番本《柏陽版通鑒記事本末》la
家姐提我帝舜叫姚重華,我記得黃帝軒轅氏,有熊氏,炎帝0係乜氏呢?神農氏之後?
帝堯陶唐氏,帝舜有虞氏,所謂唐堯虞舜是也
「唐有虞 號二帝 相揖遜 稱盛世」──三字經
「推位讓國 有虞陶唐」──千字文

記得夏桀叫姒履癸,商紂叫子受辛,周幽王就.....
之後伊尹太甲,商朝七次遷都,周古公亶父,
成康之治,共和行政,井田制,宗法制全部都無.....
東周,無孫武吳起,無田氏代齊,無龐涓孫臏,無蘇秦張儀,
無合縱連橫,無遠交近攻,連白起趙括都無,反而有樂毅田單.....
東漢la,之前0係中華書局見倒本講曹操gei書,
有東漢世系表,證明我已經背熟0左la:
光武 明 章 和 殤 安 少 順 沖 質 桓 靈 少 獻

仲有曹操《短歌行》
對酒當歌 人生幾何 譬如朝露 去日苦多
慨當以慷 憂思難忘 何以解憂 唯有杜康
青青子衿 悠悠我心 但為君故 沉吟至今
呦呦鹿鳴 食野之苹 我有嘉賓 鼓瑟吹笙
明明如月 何時可綴 憂從中來 不可斷絕
越陌度阡 枉用相薦 喫闊談讌 心念舊恩
月明星稀 烏鵲南飛 繞樹三匝 何枝可依
山不厭高 水不厭深 周公吐哺 天下歸心

無睇錯,我0係講緊東漢時代,曹操在生,就0係東漢時代
「文王三分天下而有其二,猶以事服殷」,
曹操自比文王,一生從未稱帝,反觀劉備,明明獻帝未死,
就假稱被害,為其發喪,仲封埋謚號,恨不得佢早D死咁
之後自己譖稱帝號,邊個較忠於漢室,一目了然

當初寫日記之時,除0左想每篇都有詩詞,歌詞之外,
仲想有三國解謬,不過最後都0係無寫到.....

講起中史就停唔倒口添.....同大家上0左中史堂添
講下其他科la,記得當年為0左背四大文科同串生字,都幾辛苦下
(白:你估全級第一咁易做咩)
而家用中文教,課程又cut0左咁多.....發達lu.....
唉.....真0係「夏蟲不可與語冰」


又0係時候講下象棋,
去physoc campaign途中出走,
一大清早碌0左去中大上MMW比賽
搞到仆返0黎之後始終都0係捱唔住訓著
話說呢次比賽,見倒大專界都有唔少有心人gei.....
至少港大一大班勁人出去,
黃炳蔚,陳子弘,余盛智,胡焯祺,彭志賢,陸尚勤.....
結果都0係得個團體第三,中大冠軍,已經無出林小龍ga la wor.....
吳震熙理大,黃學謙,袁曉儉中大,袁曉儉讀緊精算喎.....
我都唔差,之前果晚通頂,都差D贏袁曉儉,雖然最後只0係8分
不過其他一班人都0係8分0者.....
總括而言,同班港大同學一齊奮戰,感覺唔錯.....

一個禮拜之後gei學藝,支籤超差.....從前我0黎親呢個比賽都有獎gei.....
今次第一圈林小龍,第二圈吳震熙,第三圈林嘉龍.....crazy.....
林小龍又唔得閒0黎,第一次同吳震熙捉
應該0係佢睇少我la.....於是差D成為我成名gei一役.....
搞到去個比賽好似特登走去0畀佢劈咁.....
不過見番好耐無見gei師弟,伍俊儒拎番個殿軍.....

第二日0係全港中學生,無去,睇番成績,吳偉豪見神殺神,遇佛殺佛.....
王暢尉,龐熙朗輸0左一盤定兩盤就走0左.....駛唔駛咁早?
不過奇在總0係有D唔識gei人殺0左出0黎拎頭幾名.....

放假仲將呢個基本上已經無人行gei
五六炮不進兵雙直?邊傌對反宮馬進7卒gei所有變例睇晒,有埋結論
個xqf file得50K,但0係如果換番做書,睇怕都唔止五十頁
當中第六到第九回合果D次序亂七八槽,非常變態,
幾局一樣gei棋圖可以0係四五種次序gei裡面變著裡面搵倒,
所以早前一直無心情搞佢,而家放假趁機會下決心一野搞掂佢~!
結果做0左我成三四日,中途極想放棄.....
記得曾幾何時我完成0左五六炮進三兵對反宮馬3卒左象右包封車gei變化
果個都有成54K.....而家又0係已經無乜人行.....

不過搞完一輪,好似脫離0左狀態低迷gei又一時期,
0係yahoo都捉0左一兩盤幾滿意gei棋
0係師弟面前,第一次有「自己0係梁遠」果種感覺
無錯,不知不覺,我已經成為新進師弟的梁遠了.....
可是,這也代表著觀瑪象棋的一蟹不如蟹

0黎中華買0左本《上帝的方程》,同《費馬大定理》同一個作者
多到我都唔知0係我睇gei第幾個version gei愛因斯坦傳記.....
期待SR,GR.....希望我應付得來.....

Campaign前後

而家(8/1)比起開始寫呢篇「日記」gei時候,又已經相去甚遠.....狀態不同了.....
《識法代言人》大結局,無乜特別,為0左Physoc Campaign,又無睇倒《情陷夜中環》結局
書本上完成0左N年前書展買gei《Universe in a nutshell》(果殼中的宇宙),
同埋文聘元《西方文化大故事》gei數學同天文篇,
不過已經再無果種心情繼續睇費曼gei《物理之美》
而家開始睇劉岳松《四維力學》,反駁廣義相對論......
可惜我連SR都唔識.....睇下0係本書度會睇倒D乜la......

Dr. Chau話寧願我真真正正拎起本數,理gei書去睇
而且睇呢D.....咩VSL,反對GR......
「睇0左都唔知邊個0岩邊個錯,點解0岩點解錯」
不過而家放緊sem break喎......
但0係上個sem學果D野都未睇晒.....應該話未睇過書.....

決定要同《他和她的事情》有個了斷.....睇得最耐都算呢套書.....
於是0係Physoc Campaign之前兩三日,睇0左成十幾冊.....
以我睇書gei速度而言都算快ga la......(白:漫畫0黎咋喎)
不過始終我唔0係好理解倒佢gei含意.....

但0係我最估唔倒,最終回gei香港中文版0係上年九月出ga lor.....
即0係我入U之後gei事.....
呢套漫畫得21冊,但0係津田雅美畫0左成九年~!
猶記得當年升中五暑假amaths補課小休時,手中仍拿著第10冊gei情景.....
不過似乎由構思到完稿都0係她一手包辦,而且要求嚴D都合乎我gei風格.....

中間果度,雪野gei一句「這真是讓我後悔得無以復加」
仲以為個結局會0係有D遺憾gei添.....作到咁大,0畀佢玩+嚇死
結局太完美,正是那一點美中不足.....
驀然回首,那區區兩年的歲明,不論是對有馬,雪野,
還是於我而言,並不能說到有這麼重要了.....

給姊姊看結局,佢都話點解果度好似同余詩嘉,易俊榮差唔多,
我point out佢地細一年,而且佢地唔0係考緊大學入學試
回想起呢一則新聞,最大賣點始終都0係「兩屍三命」,
連明報都0係咁寫,只能嘆世風日下.....
否則年年月月咁多香港會考生跳樓,邊有呢單咁轟動丫,
連wikipedia都上埋.....
悽美的愛情故事.....是媒體喧染的結果.....
卻也只是一個惡性循環

《難得有情人》 關淑怡
如早春初醒　催促我的心
將不可再等　含情待放那歲月
空出了痴心　令人動心

幸福的光陰　它不會偏心
將分給每顆心　情緣亦遠亦近
將交錯一生　情侶愛得更甚

甜密地與愛人　風裡飛奔
高聲歡呼你有情　不枉這生
一聲你願意　一聲我願意
驚天愛再沒遺憾

明月霧裡照人　相愛相親
讓對對的戀人　增添性感
一些戀愛變恨
更多戀愛故事動人
劃上了絲絲美感


當初我被呢則新聞吸引,因為我嫉妒他們
我不知道,倘若當年我死了,是否仍會被冠以「優等生」gei名份
更兼他們已經得到了我從未滿足的「愛情」
正如「食色性也」,有研究指,渴望愛與被愛同樣是人的天生需要.....
而有馬的愛.....ar.....都0係唔好講,講0左無癮,自己睇la

但0係我又發現,日本的所謂漫畫,無論主題如何嚴肅,內容多有深度,結構層次分明.....
睇到《他》中途,我又再次感到從前睇《鋼煉》時第五研究所的恐懼,
壓根兒是兒童不宜的,卻又為何要以漫畫,動畫gei形式表達.....
雖然睇到有馬從痛苦中解脫之後,我完全感受到從前我所煩惱的事情又是多麼的不值一晒.....
「你試試合上眼觀看 別有境況
你會發覺心中一片空曠 微雨也熱燙」
宣喧 電視劇《彩色世界》主題曲

睇《他》之前,連續幾個禮拜,
腦袋一閒起來,便會想起一句:
「君子之交淡如水」
是種很困擾苦悶的感覺,同一句說話不停浮現,就像在提醒著我些甚麼
然而,我卻沒有可以稱得上淡如水的友誼.....那是一種怎樣的境界啊~!?
我也實在不明白,為何我的潛意識竟會如此執著,僅僅中七時的一句.....
究竟這有甚麼值得我去留戀~~~!!!
而睇完第9冊之時,曾經想起一句說話
足有同樣深刻之感,可是過了一天又忘了
直至現在,這句還是偶爾突然出現在腦中.....

特別的是,津田老師0係日記中提到,
她看過「航海家一號」六十億公里外
回眸太陽系最後一瞥的照片,
說起那張照片.....
的確,看到它,心中又如何再能有甚麼煩惱?
「山河大地只屬微塵 而況塵中之塵
血肉身軀盡皆泡影 何況影外之影」
──《菜根譚》
《菜根譚》著於明朝,是時儒釋道於中國流傳日久,
三教皈一,書中以儒家為主,佛道為輔,滿載人生哲理,
先秦儒道的對立,兩家的疑難正是我小五看蔡志忠漫畫以來的疑問
中六在觀瑪圖書館偶翻《漫畫菜根譚》,即愛不釋手,
甚至可說是我當年精神支柱的一部份.....
(後來,收倒大學通識gei信,今個學期岑逸飛講儒釋道.....)

而我在一個半小時前從物理樓出來,
竟見夜空之中,冬季大三角,六邊形,
所有亮星都在月明泉平台上的天頂閃耀
Campaign場內場外連串思考引起的煩躁,
都即隨冷風而逝

我都好耐無返屋企la,出0左0黎有成60粒鐘
去Physoc campaign之前去0左搵棋書
結果都0係問donny同rex借,唔買兩本開局
睇倒本象棋三字經7蚊,銀川棋路14蚊,上次見呢本書成42蚊ga,咁咩順手買埋,
不過最大得著0係,皇天不負有心人,終於0畀我見倒傳說中gei《象棋對策論》:
黃少龍:《象棋實戰對策》2004成都時代出版社(原蜀容棋藝出版社)
另外仲買0左陳松順《象棋中級教程》
翻遍書局內數百本棋書,花得太多時間了.....
估唔倒,以為入U之後再無時間睇棋譜gei我,
如今竟然買多四本棋書.....

呢個假期,去0左三次慧安園飲茶,行出0黎見倒條街名,叫「毓雅里」,
從前沒有甚麼,現在一看,再看,三看,卻是啼笑皆非,只覺天意弄人.....

2005年最後一天凌晨

2005年最後一天凌晨
又打起了沒完沒了的日記
考試期間逼自己不打,
沒有去看proof和Harry potter
結果還是把時間花在象棋同電視上.....

在yahoo的等級分已經高過我gei香港棋手等級分了
不過yahoo一開始0係1600,香港0係2100
通頂,考完cal出0黎,晏晝0係yahoo度都撞倒勁人
之前輸果D都0係10秒棋,但0係呢次,先和一盤,
然後輸0左0畀個,連起馬局都背到第九回合步步正著gei人.....
太耐無捉唔識行,之後成盤0畀佢禁住0黎打.....
不過輸gei主要原因0係我睇少0左佢.....
如果唔0係揀D激烈Dgei變化,就算輸都應該唔會輸得咁慘

之後果個仲衰,雖然我精神已經唔0係幾好,
無乜點仔細諗,但0係條友將我連劈三盤.....
似乎我又陷入0左狂0畀人打雙車gei低沉期
曾經有一段時間弈天第一關0畀人打0左兩三次.....
而家0係yahoo又0畀人打兩次.....縱使其中一盤0係10秒棋
象棋好像講得太多了.....

講兩句電視,睇0左五集左右gei《本草藥王》同10集左右《識法代言人》,
15集左右《情陷夜中環》,因為我成日都經夜中環返屋企=.=
感覺自唔記得乜野同《大長今》起,港劇gei內容,形式等有D轉變
之後《醫道》,《女人天下》論盡一幕幕的陰謀詭計同權力鬥爭,
當然吸引我的還有堅持道德的人在這樣的環境中如何自處.....
另外仲有《寶貝智多星》兩集,《哈利波特與魔法石》,《魔戒二部曲》
有D衝動想去睇兩者gei原著.....
而我又以如此一個超越的眼光去審視,
提問為何《識》,《情》,《魔》三者起初的equilibrium會被打破.....
進入chaos,或者說這一直是一個to certain extend gei dynamic equilibrium
打打下,發現呢個問題equivalent to問為何「天下大勢,分久必合,合久必分」
中國人從來不為他們的結論提供證明,而無讀過高中中西史的我似乎沒有能力去解答
(連我正在讀的科目,也曾提出過無數個不能解答的問題)

尋日朝睇0左《他和她的事情》第9冊(詳見icq shared files)
《鋼之雪》緊急盛大公映.....感覺實在有深度.....或者只0係作為「高材生」gei感觸
究竟內容0係邊D人有份諗ga呢?
我開始唔相信憑一人之力無可能刻劃得如此入木三分
雪野那一句:「這真是讓我後悔得無以復加」,實在引人追看,又發人深省.....
而我整理佢gei內容gei願望,似乎應該抽時間開始
但0係我又怕,我一但開始這項工作,我的思考速度會再減慢

剪不斷,理還亂
這是當中的人際關係
想以列表,時間線,關係圖等等表達
但想深一層,難道我以後就只能如此理解人際嗎?
我明白數學在一些領域被過份濫用
但我卻無法擺脫game theory分析以上一切的思想
畢竟人生處處皆博弈.....

以上0係上年gei事.....到呢度訓著0左,再打開這個file,
卻是一月八號gei凌晨, Physoc Campaign後0係港大圖書館.....
原諒我從icq對話,(正確點說近乎獨白)中抽出一些內容
似乎日記和icq有太多的重覆,但始終這些就是我當下的所思所想
而我從前未寫日記時,icq上打擾人太多了,(雖然現在未必有所改善)
info也改得太密了,自寫日記以來,只0係少少改動過icq info.....

比起兩科physics
我相信兩科maths會低至少一個grade.....
這使得我又再思考自己應唔應該放棄maths.....

自從中五起就患有考mock後遺症,考完試先溫書.....
考mechan之前仲溫緊未溫完gei LA同EM

考得唔好,會令我懷疑自己是否適合讀數學
我一直懷疑自己適唔適合讀數
雖然我有一股熱誠同興趣
可惜我疑惑這份興趣是否與我的能力相稱.....
或者說背後有否足夠的能力去支撐這份興趣
我亦體會到數給我的樂趣比物理稍遜
但它帶給我的苦難卻又異常深重

李兄同我講話The set of real number is defined as the
equivalent class of Cauchy sequence.....
望0左兩眼Cauchy sequence.....完全唔知0係乜.....
兼夾唔記得0左何謂equivalent class,讀果陣時已經一知半解......

我一直懷疑自己適唔適合讀數
雖然我有一股熱誠同興趣
但我亦體會到數給我的樂趣比物理稍遜
但它帶給我的苦難卻是異常深重
而現在是我由讀amaths以來最想放棄數學gei一刻.....

Date : 6/1/2006 Time : 1:21
嗯.....
明明mathsoc mock, campaign, AGM,EGM
我基本上都無準備過就入0左去.....
但0係而家點解反而緊張呢.....
因為physoc似乎比mathsoc準備得好嗎?.....
不對.....因為那種忙死的日子,是不會有閒情逸致去緊張的

我總覺得,
既然我已放棄了上莊,
就不能總粘在他們一起.....
不是莊員又渴求那種友誼,
會接受不了自己那貪婪.....
這是我對自己的懲罰~

補記--派測驗卷有感

成個月之前,同一日做0左EM Test 3,派0左EM Test2,
LA Test2仲低分過Test1.....兩份夾埋唔夠100分.....
太差了.....坐0係拉記深思:
我明白一個人不用很出名,但也可以很偉大,
正如王金鵬的母親.....也許還有我的母親
雖然家裡並不富裕,但自我懂事以來,我就從不缺少甚麼
父母總是給我最好的,而且並不干預我,還有姐姐的決定
如今雙雙進入大學,似是奇蹟?

即使普通如一個教師,也要每天工作十數小時
(近聞可風教師憂五改三而自殺.....可能有教過琪琪.....找機會問問.....)
那麼為PG努力不懈,並不比其他職業苦太多
而我自小便立志為人類的智識寶庫添磚加瓦,
苦而有名,總比苦而無名好.....
還記得梁sir在畢業禮上的一番說話,人生的三業.....
而我正努力使事業和將來的職業相同.....
可惜面對的競爭真的很大,只怪現今世上實在有太多人

陳佳榮先生所預言而期待的:知識時代已日漸顯露,
但最終極的新大同世界:有理走遍天下,卻又何時才到?
人太多的問題,先要解決生存,再想道德.....殷海光.....
人人相競的,並非金錢,知識,而是誰的德行最好~
因德不及人而退讓,因德不如人而自慚形穢.....
這就是柏拉圖的理想國吧!?終歸只是空想性理想主義思考盲點而已嗎?
仁心推廣,而極致於「贊天地萬物之化育」而補其不足.....

「人多好辦事」的年代.....
回想遙遙五千年,炎黃子孫所經歷的劫難,
並沒有因為新中國──中共建國而停止
中華大地,從來是多災多憂之世.....
不,建國以來.....人民的苦難,比以前還多吧?
所謂四十年目睹老現象.....
三反五反,三面紅旗,從文革,到六四.....
只能嘆謂:《北京之春》.....

乾隆朝已知,中國,是隻古老的大船,經歷風浪,便會沉沒.....
此去百年,列強入侵.....然而,《中華民族》,經歷多少風雨仍屹立不倒
「只要黃河長江的水不斷,中華民族,中華民族,千秋萬世,直到永遠.....」
「靜脈是長城,動脈是黃河」,可是黃河首次斷流,一晃已數十載.....
「洋裝雖然穿在身,我心依然是中國心」,「長江長城,黃山黃河,在我心中重千斤」.....

而金耀基對高考生一個大膽的回合,認為革命黨的強權統治,
有使用武力解決問題的傾向,並不適宜長期執政
這將是前進的包袱吧....

以上就是在拉記所思.....由測驗想到.....=.=