港大之路

今日去港大in mechan eng
因為我一直唔重視呢次interview
搞到今日困難重重

我應該一早搞掂準備工作
我對某師弟講過一句咁gei話:
「準備永不嫌多」
但0係我.....

我應該一早去問梁遠忠師兄
我一直都專心走上理學院gei路
連mechan eng實際上0係乜都唔清楚
亦無留意填choice的次序與interview gei關係
到佢打電話0黎話in我,我多少感到一D意外
雖然有印象佢會in到Band C

我知道佢要用好多maths同physics
我gei感覺就0係佢同cybernetics有好大關係
會讀D matetial, electronic eng,
但0係我鐘意佢gei fluid同thermodynamics多D
特別0係令我嚮往gei entropy.....

0係金鐘個紅綠燈度塞0左幾個字,
諗過打唔打去同佢講話要遲D到
盲「盅盅」就盅0左入港大,
0係East Gate落0左車,離開場時間仲有10分鐘
0係地圖搵黃克兢樓.....on90左la今次
0係West Gate ga 黃克兢
我應該一早睇定地圖.....

港大中間我未入過,只0係經過
西面gei物理樓,同東面gei徐朗星就入過各幾次

徐朗星呀,是當年日抖上完堂,夜晚再去上堂的地方.....
為了甚麼,令我在中六的艱辛歲月仍如此堅持?
不惜月黑風高之夜,獨自一人摸上從未踏足的港大?
是象棋~!港大之路,從那一刻開始~!

為何我選了港大?
科大就在近旁,中大也是自小就到的
雖然兩大的裡面不是走過很多地方
但早在小學時,
也已闖過科大圖書館,領教了他的無敵海景
吃遍了科大餐廳,酒樓,飯堂.....
走了辮子路,未圓湖(荷花池,養德[duck]池),獅子亭
到過百萬大道,飯煲底,甚至逸夫的宿舍
嚐到眾志飯.....走過賤build,小橋流水,
走到現在有了賤build 2nd,可以跟小橋流水永別了
當年中六中大開放,看著一條人龍沿新亞梯拾級而上,
也在暗笑他們為何不走MMW.....

回首,中大實在做了很多,甚至太多
為了從小就在學生中建立良好印象嗎?
為了讓人熟悉他的環境嗎?

正因為兩大已經太熟了,所以才不太願意讀
作為一個大學生,冒險和開拓不正是一種基本的精神嗎?
我過海的次數實在不多,上山就更少了
在沒有人導向之下,我把握過所有迷路的機會
而一件事情總有它的偶然面和必然面.....

想入港大的最主要原因,是天文勁
另外還能迫使我在英文和人際溝通上進步
加上對港島的發掘....

in完,行埋Lab Tour, 出0左0黎黃克兢唔知邊面
總之就無得行「勁過路」,「勁過橋」
又費事再0係入面兜,
唯有0係橋下面過薄扶林道,
之後唔記得邊架0係快車邊架慢車
0係East Gate搭開D車,又唔停喎
唯有盅0左上架去中環碼頭gei車
之後0係德輔道西轉入干諾道中,
慢慢行慢慢「un」,
un到信德中心唔知0係上環站無落車
之後又兜兜轉轉去到香港站
行行行行行,二萬五千里長征之後
去到中環,五點三,放工時間,無位坐=.=

如果真0係入0左港大,未來幾年都會一直不停咁撞板,
「經一事,長一智」從錯誤中學習是永恆不變的大道
這些經驗沒有捷徑可以獲得,只能憑自己逐步摸索....

思考+總結篇

我真0係好耐無返過觀瑪,成個月la,
而且我有好多野要番去了斷.....
包括0左0係拉記有幾本想睇晒gei書
其中一本《思考模式》
我只0係睇0左第一章,
但0係有一句簡直0係名言:

「人們常常不自覺作出最大的努力去逃避思考
猶其是繁複的思維活動
誰不知這樣做的後果是嚴重而深刻的
甚至往往是災難性的」
意思大概0係咁上下

另外之前睇過《系統思考訓練手冊》
0係我睇過第一本書,同時提到Game Theory,Cybernetics同Systemetics gei.....
D英文好似錯0左添,總之就0係對策論(博弈論),控制論(神經機械學),同系統論la
呢三個數學分支一個帶出另一個....
對策論建於20年代,接著50年代由Nash大舉發展
控制論建於40年代,同電腦發明密不可分,經由對策論的大力協助得以深入
系統論建於70-80年代,從控制論的研究分支獨立出來
研究控制系統中組成部份數目非常龐大時的情況
被應用到物理學,生態學,宇宙學.....

好想睇晒柏楊版資治通鑒gei16-20卷
講184-281年gei事,知唔知0係咩時代呢?
我睇緊第18卷咋.....
不由得憶起李奇光學兄
堅持不懈咁睇晒全67卷.....
我屋企得柏楊版通鑒紀事本末7-9咋

唔經唔覺寫寫下寫0左幾千字lu.....
其實我打中文仲快過打英文.....

總結過去,我想總結網上的過去
而現實中gei過去.....不想在這?說了
0係網上做過gei野,只記起兩件值得一記gei事

第一件0係中三.....
嗯.....算la,而家仲提0黎做乜呢?
點解仲要記低D咁gei事即?
或者全世界得我記得有件咁gei事
異常清淅的.....深痛.....

我只是誤墮於人際網中不斷爭扎的求全者
雖然到今朝我仍然唔知我為0左咩而爭扎,向何方而爭扎.....
我只是社會的制度與文明傳承之中gei一個追隨者同依存者.....
又有咩資格講咁多?

記得有人同我講過:
某人,佢,同我,諸如此類gei人
並唔乎合於觀瑪gei「norm」
但0係去到要受咁gei對待,
實在0係太殘忍la.....
至於某D人,某D事,
之所以到0左今日gei如斯田地,
0係因為有D人唔識處理
而錯不在當事者.....

第二件事,就非民報莫屬了
雖然民報有邊班人0係度做,我一個都未見過
但0係就寫0左幾萬字上去.....
而家回看兩年前gei自己
理所當然覺得好幼稚,
有D寫得都算0係咁上下la
另外有D就太激la....
自己都未搞清楚情況就寫出0黎
根本道不出事情背後究竟0係D咩,
事情又邊有我諗得咁美好同完善呢.....

內容上,只能講句:
民主制度唔0係一個完美gei制度
實際上0係一個好0徒金錢同時間gei低效率制度
但0係而家人類並未發展出另一個更好gei制度~!

雖然我唔想咁講,
但0係始終都要講句
感謝校方背後gei包容(包容我將佢地寫得咁好???)
對於當年gei天真幼稚,任性妄為,
我希望付出番一D代價
但0係似乎已經無咁gei機會la.....

是日歌詞:
網中人
回望我一生 歷遍幾番責備和恨怨 無懼世間萬重浪 獨怕今生陷網中
誰料到今朝 為了知心我自投入網 人在網中獨回望 世間悲歡盡疑惑
＊豪強心志我未消磨 何妨成與敗 重重艱辛豈怕它 闖開孽網非難事
＃唯望到一朝 盡破金光燦爛名利網 尤像鳥飛廣闊天 網開衝出不再返
重唱　＊,＃

是日文句:
蘇軾 定風波

三月七日沙湖道中遇雨。
雨具先去，同行皆狼狽，余獨不覺。
已而遂晴，故作 此詞。

莫聽穿林打葉聲，何妨吟嘯且徐行。
竹杖芒鞋輕勝馬，誰怕？一蓑煙雨任平生。
抖峭春風吹酒醒，微冷，山頭斜照卻相迎。
回首向來蕭瑟處，歸去，也無風雨也無晴。

感謝某某前輩的定風波,
不過要我諗開D
我通常會越諗越埋.....

某人話過我0係古人,我雖然有少少懷疑
但我肯定我唔0係一個現代人.....

點解寫極都未寫完ga~!
幾時先會開始寫grad din ar???