近況--升學篇

考完AL最煩gei事就0係D department成日寄信0黎
不停咁sell自己個學系,有D仲出埋銀彈,幾萬幾萬咁掟過0黎
通通同我滾開~!
好彩過0左五月最後果個禮拜終於都清靜晒
而D信就0畀我用0左0黎做算草紙,爽

中港科三大gei物理系介紹,我幾乎都聽0左三次
講0黎講去都0係果D,識背la.....
0畀我上去講都未必唔得

科大果次,佢話佢請D CE有番咁上下成績gei人去,
(結果得十幾廿個人到.....)
如果擺First choice, AL無失手,就基本上入硬
見倒一堆賣過上報紙gei勁人
有兩個year 3,佢地下年去standford讀astronomy同cosmology....
what a dream study~~~!.....
但0係我而家連dream department都唔知入唔入倒.....
有D想問,佢地點解要入科大?
既然鐘意天文.....同科大格格不入.....

話說考完中文口試之後,0係去中文物理系面試gei大日子
兩個人一齊in,
個professor問0左我地一D課外gei物理問題,
因為我地都話對physics gei某D方面有興趣
我自然0係答天文la,不過個professor自己唔0係教天文gei,
都無可能考得起我ga la,可惜在我剩0係識中文,佢剩0係識英文,溝通有D問題

佢第一題問黃道0係咩,
第二題問離我地最近gei?星0係邊粒
可惜我唔知果粒星gei英文名,佢又唔知粒星gei中文名
不過講詳細D應該0係咁:
個教授想我答gei0係半人馬座alpha,中文名叫南門二,-0.3等,係全天第三亮星
因為我唔識半人馬座gei英文,所以無應到佢.....
但0係其實0係南門二2度之外有粒K型gei11等比鄰星,
佢先至0係最近果粒?星

個教授見溝通唔倒
轉而問粒星距離我地幾遠,我理所當然答4.2LY
雖然佢心目中gei答案,南門二應該0係4.3LY.....

唔0係話我認叻,不過呢D咁gei問題,
我小學果陣就識答la.....
小學,中學.....到而家我已經等0左足足一十三年
嗯,入港大,要等多一年
入中大,要等多三年.....
不過三年之後會點,已經太遙遠la
又有邊個會估倒?
有機會gei話,我都想去有天文系gei地方讀天文.....
陶淵明30歲出仕,到43歲歸隱,
所謂「誤墮塵網中,一去三十年」
三十年,有說疑為十三年之誤也.....
雖然我覺得似0係虛數詞多D

同我一齊in果個人就慘D,佢話佢鐘意relativity,
咁個教授就理所當然問下佢D relativity gei野la
佢問special 同general relativity gei最主要分別0係邊度
我隔離條友就答話,之前睇過下D書,不過考AL忙無睇番唔記得0左之類la.....
於是我就同個教授講話想試下答呢題
其實我都唔0係好知佢問乜,原本又唔0係要我答,無乜留意
於是就up0左一大堆relativity gei野出0黎
咩否定伽里略傳換,絕對性同相對性,
光速不變,長度縮短,時間延緩,質能守?,慣性座標系,時空扭曲,等效原理.....
個教授之後講0左一句:你講果D全部都0係0岩gei,不過其實個答案好簡單
就0係狹義相對論0係講當a=0 gei時候gei情況,而廣義就講a唔等於0 gei情況.....
非常可惜,我早幾日先至睇完gei《西方科學:有趣的物理》有句一模一樣gei野=.=
我果陣仲帶住0係身ga,諗住唔覺意跌0左出0黎都好睇D ar ma,wakaka^_^,
雖然最尾都無跌過出0黎

聽日我要去in Kong U mechan eng la,擺佢第7都肯in我喎.....就講住咁多先la